HellomateTV黑糯米

收到 call 我部車俾人拖走咗❓

話說中午有個 missed call
對方仲 whatsapp 留言 send 相
隔咗半個鐘之後我先睇到
聽返係一個操流利普通話嘅內地女人
話我架車塞住咗佢出唔到車
問我做咩唔聽電話🤔
望返張相呢部黃色TT
唔係我個喎
於是冇理佢直接回覆：你打錯了
點知到傍晚六點幾
佢又send多幅相俾我
話：我的車被拖車拖走了
當時覺得會唔會係騙案
但幅相睇到黃色TT車頭
show咗個電話Number
同我電話只係差一個字唔同號碼
當時仲心諗：
可能佢真係打錯電話
搞到TT車主被人拖車
都幾慘，又幾搞笑
諗住件事就咁完咗
循例都試吓Google 一下幅相
命運真係曲折離奇顛沛流離
原來真係騙案！！！
網上睇到早前
已經有人收過同一幅相
又係話部車塞住咗佢
KK樂園年尾追數 😡😡😡
大家真係要小心

補充少少喺 google search 之前
有俾米嫂睇過
佢一口咬定係騙案
我話真係差一個電話號碼唔同
會唔會真係打錯啊？
佢話冇可能話一睇就知係假
之後我先上網查到已有人中過
都係米嫂勁直頭人肉google
#騙案 #提子 #信老婆會發達 #黑糯米

18 hours ago (edited) | [YT] | 84

View 8 replies

HellomateTV黑糯米

香港新樓奇聞 😱 300呎細單位
業主收樓入伙一打開門
全屋天花有超多消防花灑頭

#咩玩法 #小心碰頭 #黑糯米睇樓

1 day ago | [YT] | 63

View 9 replies

HellomateTV黑糯米

第一次抱 7個月大嘅小姪女，我地姪女嘅年齡層都幾闊😆 最大 21歲👩🏻 最細 7個月👶🏻

2 days ago | [YT] | 483

View 11 replies

HellomateTV黑糯米

道歉聲明：

首先向 AT 車主講聲對不起，我早前在紅磡車房翻新汽車內籠時，雖然已問准車房老闆，他亦有在旁講解，但在未經車主同意下拍攝車內按鍵，這一點我的確做錯了。當日揸部車去車房，一心只是記錄自己部車的內籠修復過程，估唔到會遇見之前另一位車評人 Toby 試駕的靚車，咁有緣會遇到，懷著興奮心情，見內外都keep得非常靚，車主一定係錫車之人，所以拍下車內按鍵修復後的畫面，拍攝後剪出46秒的片段，加入到我的影片內。而拍攝時車房人員亦有在旁，見這部車最近在youtube 有出片開心 share，而車主也大方地沒有遮車牌，加上紅色好 sharp 醒易認，當時我都有跟車房說見過這部車，估唔到會喺呢度遇到，原來大家都係搵同一間車房整，一廂情願地以為純粹拍下車內按鍵還原到新車質素應該OK，但大意地未經車主同意，無顧及車主感受，是我的過錯。出片後兩天收到車主或車主朋友的 ig 訊息，問及為什麼沒有徵求車主同意就影這部車，我亦有回覆這位朋友，其實並非特意去影這部車，當時心想：因為不久之前先睇過試車片，竟然咁都見部車真身，紅色好靚仔，作為愛車嘅人會有這種心情，為保障車主沒有拍攝車身及車牌，只近拍車內按鍵特寫及有2秒影到軚盤位置，合共46秒的畫面，播出後為車主帶來不便及困擾，深感抱歉，於是隨即按車主要求刪除該 46秒的畫面並私下向車主道歉，但在回覆車主刪除片段後，連續有幾個留言問及此事，藉此出 post 公開道歉，希望得到車主諒解。

有留言者提及我片中踩這部車，事實並非如此，只是單純分享車內還原後的情況，本來呢 46秒唔加入去都唔影響全片內容，因為自己部車還原結果其實都差不多，加入影片初心只是分享難得遇見呢部好車，而片中有一點是車房人員講述未修復前甩膠情況比我仲誇張，我才得知有這件事，而現場睇到還原後質感非常好，好似新車一樣，是讚美的說話，並沒有任何踩的含意，而最後提到有一個位仲未修復，是想提提車主呢個位可以叫車房再整整佢，呢間車房嘅手工我都幾滿意，發生小插曲令車主感到不悅是我的疏忽，如果當時有叫車房不如問下車主先，就唔會引起今次誤會。

由於46秒片段已刪除，以下是我與車房在該片段中的對話內容，畫面全是車內按鍵的特寫：

我：
咁啱嚟到嘅時候
車房有另一架458執緊

車房人員：
原本誇張過你好多架呢架車

我：
佢啲立痴痴環保膠
甩嘅程度仲誇張過我
咁而家已經係出返原車
新車時候的啞灰色
唔係黑色嘅
嘩，個質感好好
呢個係做完之後嘅效果
係另一部車嚟嘅
不過而家師傅話仲未完成晒
會上多浸嘢令到佢keep得耐啲
依！呢度仲有條花痕未執喎
因為個做法呢噴完油
再用激光印返啲icon落去嗎？

車房人員：係呀

我：咁整完之後係咪永久㗎？

車房人員：永久㗎啦

我：唔會再立痴痴㗎啦喎？

車房人員：唔會呀

以上是片段中所有跟車房人員的對話內容，亦帖出昨天的 ig 對話截圖。事後作出檢討，明白車主對於部車在不知情的情況下被拍攝到，會感到不滿，再次講聲唔好意思 🙏🏻 將來有機會遇見車主再當面詳談 🤝