LOHAS Life 樂活人生

https://youtu.be/feMd_GvZSf4?si=vlI61...

其實自從轉咗新嘅工作環境 ，同埋學興趣班之後，我真係冇乜時間去拍片整片 ， 有時間都休息多啲 ，社群文章亦都好少發佈 ，但係為咗唔想荒廢咗我呢個youtube channel ，我嘗試用另一個嘅方式去表達， 未必係影片， 淨係得聲音+ 照片 。做法好似平日我對人交談一樣， 令我可以隨意啲亦都唔需要有事前嘅準備 對我嚟講最容易整嘅一樣嘢就係 用powerpoint嘅形式講一次旅行嘅經歷， 咁樣同之前 ，淨係講路線攻略唔同， 我唔需要花太多時間去剪片， 咁樣會少咗可觀性但係令我有更多發揮嘅空間。

希望有睇開我節目嘅朋友繼續支持喔，鍾意留言畀我吧~

4 days ago | [YT] | 0

LOHAS Life 樂活人生

同理心

人與人之間相處， 能夠維持長久關係， 原因都係相處落感覺良好， 相信冇人鍾意跟一個人對話 會有種需要思前想後 ， 每句話都需要過濾，情緒有繃緊嘅感覺吧?

對我而言寧願保持一份隨意嘅關係 ，倾到就傾多兩句， 感覺到不安 或者明顯 ，三觀不合就寧願保持距離就算 ，唔好令雙方痛苦。

就係基於有一份同理心。

跟一個人有關係 ，朋友好同事親人亦好， 唔係為咗一種凌駕別人嘅優越感， 就好似跟窮人講自己點樣因為條件良好人生有幾精彩， 又或者問點解放假唔去下歐洲旅行 ，放工點解唔去食米芝蓮， 盲人點解唔睇戲， 傷殘點解唔跑下步。

講呢種說話， 就係基於人冇咗同理心， 並唔係敲經念佛讀聖經可以改變到嘅。

有時候睇關於動物嘅影片， 我都會諗 ：點解猴子可以分享食物畀狗仔? 點解一群唔同嘅物種可以互相關照相處和睦，互相體諒即使玩起上嚟都唔會真係咬落去? 點解貓都可以照顧其他物種嘅幼崽?

萬物有靈就係咁解， 首先要感覺到自己屬靈， 我哋唔係個體， 係會聯繫別人感覺， 如果人係死物嘅，點會有愛情呢種感覺? 點會睇到一啲悲情嘅畫面會觸動到我哋嘅神經?

凡人唔係要做啲乜嘢大功德， 拯救地球 ，補返大氣層個窿， 如果每個人做返最簡單嘅事， 做人處事以善念出發， 能夠易地而處， 就會減少大部分矛盾衝突。

末法年代， 如果明知自己語言無物 ，總係不自覺出口傷人， 或是言語中不自覺要強調自己優越感， 咁我建議寧願少說話， 避免喺別人心中製造地獄。彼此都係過客人生匆匆， 有時適當嘅保持箴默不反駁， 都係基於同理心， 冇人希望相處落去唔開心嘅， 對嗎?

補充 ：人到中年開始為自己過去嘅口業懺悔， 呢種想法並非因為宗教信仰， 而係真係有因果循環, 未報只係時辰未到 ， 報應係會喺完全冇預計嘅情況之下真係有「使者」去幫手製造報應嘅， 可以係健康財富 ，或是應驗在家人身上。 後知後覺， 總好過抱殘守缺死不悔改。

2 weeks ago | [YT] | 3

LOHAS Life 樂活人生

大 道 無 形

我心中有神，但是聲稱無神論者。

因為我信嗰位神唔係三大宗教派宣揚嗰一位， 更係無明，冇講明係邊位。

世間常滿天神佛，有佛陀耶穌阿啦瑪利亞阿波羅密特拉等等， 假如唔係「 列表清單裏面嘅神」， 通通都係異教徒， 唔係畀該派別宗教人士指話有原罪，现世來世回頭是我就落地獄， 或是今世受苦，除非肯投身宗教活動表現誠心 ，熟讀經書。

每個人去信宗教都有講緣份， 讀書係佛教學校嘅自然會歸邊接受到佛學， 但亦可能 離開咗學校就會接受到基督教嘅佈道會 ,已認識聖經和耶穌基督， 過幾年又話唔定去咗西藏所謂嘅心靈之旅而接觸藏傳佛教 ， 到最後話唔定叻到做世界精英可以入共濟會。

任何宗教都有自己一套無敵嘅真理， 但冇宗教係可以包容其他嘅宗教宣揚嘅真理。

我個人真心抗拒宗教狂熱人士， 特別將所有世間嘅苦難都歸於「現世報業障」「原罪」嘅說法。

「你有病痛因為有債主嚟搵你 ， 你有痛因為要還債」
「你死之前覺悟相信XX 就可以有永生」
「天國近了你們必須悔改 除X之外沒有別的真神」
「信與不信不能同負一軛」


各有各嘅理由同道理，可以點?

現實中人嘅存在本身都係生物鏈裏面嘅一員， 每一分秒都係殺戮， 假如用心眼睇清楚所謂美好嘅世界係咩回事。

睇唔出?

咁不如乜都唔好做斷六親 ，匿埋個山窿度念經算， 反正話眾生皆苦， 他人是地獄 ，每個人心裏面又有一個地獄。 人生沉迷喺個宗教世界入面 ，站係一個道德高地上面去批判所有人所有事， 只係接納自己友， 生活中以宗教為道德準則標準， 講得多都係鬧交反面收場。

真嘅，做得到言行一致心寬可容納百川只屬極少數。

口說修道的人，換個角度睇係咪為自己內心修築圍牆呢? 真正修出「道」嘅人， 有需要好像返工掛個名牌寫住「修道中」嗎?

我這樣說不是帶有貶義， 但值得每個人去思考。

「愛惜地球 ，珍惜每段緣份， 少啲埋怨多啲珍惜現有嘅資源， 抑制自己嘅欲念 ，唔好動惡念， 多啲幫助別人不求回報， 唔單只愛惜自己友更要顧及別人， 少啲犯口業， 控制自己嘅情緒 ，唔好講咁多唔等洗嘅嘢污染環境， 愛人如己克己復禮。」

講真宗教裏面嘅邊個將軍邊個神，有幾巴閉 點樣殺敵無數， 幾法力無邊有求必應 ， 因天命而成皇，跟我地人生完全冇關係喎， 反而我上面所講嘅嘢係直接影響因果， 因果嘅論說並不局限於佛學， 感恩嘅意識更並不局限於西方耶教。

世人多作業 ，即使有神通亦不敵恶業，末法年代， 自求多福，大道無形， 只係自稱修道嘅慕道嘅看不到， 先至會言行不一。

往生後嘅世界係咪淨土我唔知， 只希望有咁嘅一日嘅時候 ， 只希望一路走好(註)， 見到 中 文字 ，仲見到生前所見到嘅物質世界， 高樓大廈鈔票禽畜殘骸等等 ， 要即刻頭也不回搵路走， 因為呢個先至係真正永劫輪迴。

註： 在世者 ，我會叫佢一路好走因為佢睇到條路點樣行。 離世者 ，唔貼地嘅就只會四圍漂浮 ，所以要希望佢哋一路走好， 揀啱通往淨土嘅路， 呢處唔會再有邊界唔會有宗教更唔會有自我。

亂世修道就係為咗來生

2 weeks ago (edited) | [YT] | 3

LOHAS Life 樂活人生

https://youtu.be/fBVPCivHPiE?si=4GhbO...

七百萬人有七百萬種生活 >> 我非常鍾意呢一個slogan ，出自網台mm。

我哋喺地球上生活即使又唔同嘅膚色，但有唔同嘅生活方式 ，都係返工食飯瞓覺重複， 但扣除呢啲每個人嘅體驗到人生都唔同 ，就算坐緊監， 都唔一定係坐定定。

有人選擇一生勞碌， 得到好多錢之後 ，賠咗健康最後乜嘢都冇享受過就往生

有人好後生就已經看破塵世出家， 大半世人都喺度敲木魚念經素食

有人選擇每一日想盡辦法去掠奪社會資源 ，只為求存仲好得戚咁嘅樣， 但係渾渾噩噩地渡日

有人選擇喺年青嘅時候， 盡快搵多啲錢財務自由遠離煩囂過隱世嘅低欲望生活

有人選擇好似大部分人咁樣做系統維護專員， 幫上層精英抬橋， 相信社會灌輸嘅價值觀， 冇獨立思考能力， 以金錢衡量所有嘢包括自己......

你呢？

人哋點樣生活真係關自己事咩？

近來我收到啲留言關於我維園犀利哥果段片， 對我嚟講段片都幾耐嘅事 ，亦忘記咗自己講過啲乜 ，但都有迴響， 可惜嘅就係我冇收到啲我感到欣慰嘅留言。 我希望嘅係我段片能夠睇發到觀眾思考人生， 以及生活嘅可能性， 而唔係去執著於 我講述嘅人物生活方式跟你價值觀嘅不同。

都係嗰句 ：如果一個露宿者竟然會吸引到你哋嚟睇 ，而唔去關注如何幫你財務自由嘅辦法， 反正要噴我去鼓吹佢躺平 /不視生產/ 六親不認/ 唔工作唔養老/ 食二手飯做乞丐係啱！？ 吓?呢度啲人都幾壓抑， 既唔想做籠中鳥，但想自由飛翔放棄安全網而又唔肯選擇在外承受風吹雨打。

我真係唔知有咩好回應。

https://youtu.be/bTL5ULcQgIU?si=6KtcR...

我心血來潮去回應咗，事後覺得自己又冇需要， 用咗一分鐘應機卻用一個鐘頭去懺悔。

原來係真嘅--生人都要超度。

鍾意選擇隨波逐流，最愛維護系統繁殖下一代繼續同一樣做螺絲釘 ， 每日揸住個手機幫人擦存在擦流量，冇思考能力淨係識得做cd rom淨係睇，唔識表達無輸出， 人生就以返工準時為榮， 買樓生仔作為人生意義存在價值， 咁一齊生活嘅可能性 ， 對你嚟講都係顛覆， 最好就報東張等佢為你返爭啖氣。

真係唔好睇我嘅channel， 太多想法會顛覆咗你， 聽兩句唔啱聽就麻煩退出。我做節目或者寫文章並唔係為咗serve 冇理解能力分析力冇思想嘅人， 攝時間可以搵第二樣。

真嘅 ，我近呢一季都冇出片寫文章亦都少咗， 我覺得以前要講嘅嘢都講咗唔少亦都講多咗， 近來我都開始學手語，因為意識到人生太多廢話， 佔咗99%， 人生已經過咗一半好多張三李四五姑六婆嘢已經唔想再講， 嗰啲a角度b生活c觀點d分析對我嘅人生其實冇幫助， 況且人世間都係貪嗔癡慢疑，所以選擇寧靜，選擇離群，選擇脫網選擇沉默，都係我嘅人生方式。

至於所多瑪瑪發生乜嘢事，我得個知字亦關我鬼事。

P.S. mm嘅片係幾好睇 ,採訪過好多非一般生活嘅香港人, 證明咗生活唔係得一種, 你唔係無權選擇係你唔選擇, 人哋得到嘅幸福快樂,你唔好羨慕人,人家付出過你要識得睇， 睇嘢唔好用坐住嗰隻。

2 weeks ago (edited) | [YT] | 3

LOHAS Life 樂活人生

隨緣遇上總更多

我可能隨著年紀增長對於結果已經唔係太執著， 反而著重過程。

除夕夜 ，我原先計劃咗去紅香爐峰睇煙花 ，所以 收工就由機場搭機場快線去中環( 因為我 咁啱收到免費車飛)， 出咗香港站 ， 周遭嘅景物 ，我感到好陌生 ，高樓大廈車水馬龍人來人往， 咁都係好嘅因為有新鮮感 ，見到有趣嘅就影低，行到去金鐘然之後再轉地鐵去天后站， 搭49m 小巴 喺聖貞德中學落車 。上山嘅路上我遇上一位正在落山嘅少年 ，原來佢唔識上山見冇人就閃，咁我問佢係咪想上山，係咁我帶佢上去， 佢唔知講開啲乜，佢提及上年去過雲南行山 ，我問佢係咪哈巴雪山 ，佢話係 ，咁對我嚟講就有驚喜喇!

因為我正想搵個去過嘅人攞料。

少年原來係廣州人 喺香港讀書，名叫Harold。

上到山上面其實啲好位已經畀外國人霸曬 ， 佢哋識玩 ，( 最高點都係有幾嚿大石冇一個平地)， 呢個係睇日落夜景嘅好去處。

我喺等放煙花之前 ，有時間同Harold 交流咗好多關啲行山嘅嘢 ，原來佢有好多喺外國登山嘅經驗睇佢年紀輕輕， 仲係運動攀登攀雪山， 反而佢對於香港嘅行山徑冇乜嘢概念。 等到20:15, 我先知道原來23:00 先至放煙花.....

咁我哋唯有落山， 我諗等巴士嘅時間仲耐過上山 ，但係個過程反而最重要 ，因為我哋去到交流咗好多資訊 ，咁驚喜嘅就係佢今年都計劃去西藏岡仁波齊! 知道呢樣嘢畀我睇到煙花更重要。

換上第二個會失望而回，但我唔係 ，每當遇上 事與願違嘅時候， 反而調返轉諗：

除咗個目的地仲有啲乜嘢得著?

或者用冇咗半杯水仲有半杯水呢，呢種安慰自己嘅諗法。

人生有好多擦身而過嘅人與事， 有時候登山不單止淨係上到個山頂，而係要享受過過程， 遇到嘅人呼吸到佢空氣 ，望到嘅風景，感受到嘅溫度。

若然每一次都執著結果係會好唔開心， 仲有冇一定嘅 ，人生呢趟旅程就變得唔好玩。 就好似上個禮拜約咗人去探險 ，但竟然條友遲差唔多一個鐘頭，但係我個冇乜所謂， 一來好耐冇見住在 出嚟見下傾下計 ，地方暫時又唔會消失咪遲啲先去囉， 年紀大都係享受每一次嘅相遇， 畢竟就到時間見先至有難度。

P.S. Harold 係千禧後出生嘅即係我大佢24年， 有時交流唔係一定要大家都有相同嘅嘢 ， 相信無幾耐我都會帶佢 喺香港捐窿捐罅， 畢竟我都係一個好識玩嘅地膽。

Skip the Carousel

1 2

3 weeks ago | [YT] | 4

LOHAS Life 樂活人生

假若喺生活入面，如果真係有細心思考過生活入面有啲乜嘢令自己覺得幸福， 就唔會講 「人生冇意義」，「 生活枯燥」，「 人生都唔知為乜」 呢啲打擊自己 對自己冇益嘅說話。

又咁樣講： 做人咁辛苦最終想得到啲乜嘢？
唔通真係就為咗每個月見住自己銀行存摺簿多咗錢？

如果真係咁， 最開心嘅都係銀行家。

但係每個人真係有需要認真諗一諗屬於自己嘅幸福究竟係乜嘢。

如果我問我我都好具體嘅，但呢啲都不涉及好高難度嘅嘢或要用好多錢先可以得到嘅。 睇到呢則文字嘅您， 試下搵一段me time嘅時間， 心情放鬆 ,攞張紙同筆去寫十個令自己感到有幸福嘅事情

我寫先 :
「
1. 身體健康食得屙得瞓得精神飽滿
2, 能夠食安樂飯心無掛慮
3. 能夠懶洋洋咁樣喺一個陽光和暖嘅下午睇漫畫/ 聽下黑膠唱片/ 燙衫/小睡/看電影
4. 朝早在一個清新空氣嘅環境晨跑
5. 工作唔受氣，能夠準時收工 ，可以一個小午睡嘅時間
6. 還能夠玩音樂
7. 有一個由始至今都愛惜嘅伴侶
8. 有三幾個傾到計嘅朋友
9. 能夠有一小段時間可以抄心經或寫信静心讓自己專心一致
10, 有美好嘅回憶可以回顧， 即是曾經有做過滿意而有意思嘅嘅事」


如果真係搵到呢啲理由, 恭喜你, 即使冇咩大志向 / 抱負 ／理想／ 夢想， 都仲未係冇理由咁生存下去。

特別係人到中老年， 回望半生， 如果真係連少少幸福感都冇嘅時候，日日營營役役做牛做馬，呢樣嘢先係最悲催。 可能睇到呢度會問自己點解以前冇諗過呢啲問題。就係呢個社會唔係希望你幸福快樂美滿， 只係希望你成為老鼠烏托邦入面嘅老鼠喺度跑圈， 漫無目的咁樣生產繁殖， 但又提供大量嘅娛樂去麻醉每一個人。

任何人都有爭取自己幸福嘅權利，正如美國獨立宣言入面所提到嘅。

3 weeks ago (edited) | [YT] | 5

LOHAS Life 樂活人生

清洗隔氣

因為聞到廚房有一陣異味來自鋅盤， 於是扭開 星盤下去水喉嘅隔氣， 扭之前先用膠袋兜住避免水流出地面， 打開之後一股只係撲鼻而來。

將污水倒入廁所 ，沖咗幾次水，都仲有陣味瀰漫喺洗手間可想而知。 隔氣兜個底個有一啲殘餘物， 類似污泥又似牙膏嘅， 清洗過程當中我諗到.......

地溝油！

如果既然一個隔氣 ，都可以咁污糟惡臭，咁地溝油係何等嘅毒?

對於鄰近地區嘅食物安全， 總有人講話有幾差， 但係唔係空穴來風， 就咁講 出去食飯真係預咗啲嘢唔係乾淨 ，如果做個飲食業或者酒店要都知道。就算啲食物幾平， 吹到幾抵食， 都係算把啦。

某程度上我有啲偏執但都係保護自己， 加上我有啲整理癖， 都係想生活過得好啲。 補充返：除咗 廚房其實洗手盆都會有一個隔氣要定時清洗防止細菌滋生。

5 months ago | [YT] | 2

LOHAS Life 樂活人生

還是不適應

用智能手機綁定嘅生活，我始終都未適應從融合到 ，縱使我都用咗智能手機十幾年， 但係微信 支付寶 ，甚至出街食飯要掃二維碼呢動作我都係拒絕的。

就係明白背後嘅原理， 失去嘅一定會畀得到嘅多 ，仲要係不可挽回無法逆轉。

今日我就預咗一件反白眼嘅事

我行過阿信屋心血來潮想買兩包桃哈多， 見到$13.9兩包都抵喎ok喎, 埋單時佢問我冇會員證我話冇 ,跟住佢同我講$22, 仲要要求我用微信掃二維碼。

我問即係如果唔掃，就唔會喺$13.9, 佢答我係 ，但係價錢牌定冇寫呢樣嘢。

咁我二話不說就擺低兩把嘢就走。

我相信十個有九個都話我傻嘅。

不過咁 ，我相信仲有4%嘅香港人明白我點解會咁做， 總會有同路人我唔會孤獨。 佢哋經歷咗三年嘅假疫情， 唔會因為要入超市或者飲餐茶就可以寧願畀自己做白老鼠幫藥廠試藥。

我揸住現金,我係客人點解要被規訓? 明明一件貨品有兩種嘅價錢， 乜嘢玩法? 咁我永世不幫襯了。


P.S. 讀者們千祈唔好學我, 咁樣會生活得好痛苦嘅,但不妨諗下我點解咁做, 再諗下點解舊社會大家認為好嘅嘢都消失得咁快.

5 months ago (edited) | [YT] | 4

LOHAS Life 樂活人生

. 1111


每個人總有自己獨特深信嘅嘢, 例如宗教意見領袖嘅說話， 但只要唔好過份沉迷， 當作一種人生嘅智慧， 得到嘅又能夠喺生活中實踐 ，人生得到快樂幸福美滿嘅， 咁除咗恭喜之外都冇咩特別補充。

我本身冇宗教信仰， 但睇幾年前 唔知點樣解釋經常見到1111, 後來先至知係天使密碼， 每次見到我總會同自己講：「 咁樣就掂喇 ，今日會過得好，照住自己嘅方向行就可以。」

正如我想著去做某件事， 只要唔好過明天， 當日都會過得好。

我同十個人講九嘅人都覺得我迷信古撚怪， 回應我嘅時候都感覺到對方暗地有恥笑意味。 但大多數嘅人去拜鬼神 /問卜拜動物雕像有冇問題嘅，why?。 我冇去刻意去搵資料究竟1111真正嘅解讀係乜嘢， 因為自己就係最好嘅解讀， 亦係最好嘅見證自己所信嘅。

所以 ,有時宗教人士問信咗某教有乜嘢改變 ，或者帶咗某件法器有冇令生活有唔同， 就好似我咁帶黑曜石珠鏈， 有朋友問：

係咪好咗好多呢? 係咪真係避咗好多小人?

我就好淡然咁回應：

冇乜點嘅生活健康 ，我活得幾好丫。

聽到我咁答 ，對方嘅反應都唔多高興嘅。 唔通我答：「係呀，去到邊都大殺四方， 人見人蓋車見車載棺材見我都打開蓋?」

之後我梗係會講我平日會間中見到1111嘅事， 就當係我嘅定心丸， 同自己講：

今天會過得好。

調返轉頭問乜啲人養鬼仔拜神， 唔係為咗自己嘅人生覺得好咩?

不過我又咁講但係可以令人正念 ，平安 ，可以畀疲乏嘅心靈得到安慰， 都係好個人嘅，無需要比較。

5 months ago (edited) | [YT] | 2

LOHAS Life 樂活人生

我喺網上睇到樣嘢都幾值得分享就係時間管理， 呢邊寫畀自己嘅。 作為平凡人唔係 蓋茨 馬斯克 畢菲特， 只係想生活可以過得充實而做到自己嘅預期目標啫， 我有篇寫時間流沙， 提及過我哋啲時間係不知不覺咁流走 ，反而以前物質貧乏嗰一代人做到嘅成就到嘅比現代人更多， 歸根究底係做啱咗嘢，用啱咗方法， 將時間用得其所。

嘗試坦白咁同自己做一個計劃， 真係搵紙筆寫低佢 ，呢樣嘢冇得用手機 ：

列出 要做多啲事 ：

列出 唔好做咁多嘅事 ：

然之後再去細分

a 緊急已一定要先做嘅事

b 唔緊急 但要做好嘅事

c 唔緊要 但都要做嘅事

d 做唔做都唔緊要嘅事


講到尾就係先後次序priority。

每個人緊急一定要做嘅事都唔同， 但假設對一日裏面係有用嘅事/ 可以賺到經驗/ 會令自己好嘅，持續咁去做一定有啲成績 ，點都會與眾不同。


2024年仲有四個月， 希望每個人嘅小目標都可以達成。 生活也由小節做起， 由小改變開始， 日子係要過但係千祈咪得過且過。

5 months ago | [YT] | 3