Invidious

我搬家了！Po完這個post就開始努力剪片了 🙏

對於這次搬家，我內心有很多很多新感受，對上一次大搬家已經是10多年前由元朗搬到太子，再搬到旺角的那次。
由於我老家在元朗大棠，當時每天早上要到灣仔返HKAPA實在太辛苦😓所以就鼓起勇氣同媽媽講，我想搬出去住，住開元朗嘅我，一搬就當然想搬到最市中心的位置，最理想當然是灣仔吧！但係實在太貴…退一步，油尖旺區的舊樓，同一棟大廈一住就超過10年，當然對於還在讀書的我，靠教結他賺取生活費，那個地方的租金會不太貴，雖然是舊樓和空間沒有很大，但一直以來我都住得好開心。
10多年後，經過時間的洗禮，近年廚房和廁所等很多原生的硬件都出現很多問題，有冇辦法整好？有，但大前提係要我先搬走先至可以做到工程。舊居所旁邊有一個很大型的醫院清拆重建項目，其實這是我搬家的最主要原因，還有噪音問題，加上種種因素例如累積了10多年的雜物，空間不足，風水等等等等，到今年年頭，我感覺到情緒每天都處於「就嚟爆炸」嘅狀態，拖到5月我終於頂唔住，決定要換新地方了。

驚唔驚？好驚！因為租金不停升，好貴。
在油尖旺區，用我以前的租金基礎上加少少，根本沒可能找到能令我覺得有改善到生活環境的單位，升幅有幾厲害？舉個例子，朋友說某個屋苑$17,000就可以租到，但到我睇租盤時，已經變成18,500。

最後經過一輪崩潰的睇租盤過程後，找到一個over budget 了少少，但其他方面都 100% 切合到需要嘅單位，搞掂！當時係6月頭，之後去了瑞士，回來後6月尾才真正開始搬屋的過程。

本來我以為自己有能力「清到間舊屋」，但原來…原來係好難㗎…
最後我只帶走了我真係會用到嘅生活必需品，會再穿的衣服，電腦用品，能夠承受到搬屋過程不會損毁的家具，平時我有幾慳？我張IKEA梳化床，係我演藝學院同學搬屋唔要送俾我㗎 …計埋計埋坐咗超過15年，呢啲真係帶唔走 …用百分比去計算，估計帶走了約40%的「家檔」，我就離開了，舊業主好好，佢會幫我call人清咗佢。

再分享一下，要解決搬屋煩惱，最直接就是用錢去解決，請專業人士幫手，但我的搬家有一點不同，因為我有兩隻思想極度古老的老貓，還有一隻極膽小，但非常頑皮的成年貓，為免驚動佢哋嘅情緒，整個搬屋過程，由執拾開始，都要不動聲色，唔可以刺激到佢哋嘅神經，所以好多人問我，點解你仲未搬完？點解你搬咁耐？原因就係因為我有三隻貓。

今日係我正式喺新居所住咗個幾星期，同時係我第一日可以全日留喺屋企工作嘅一日。感覺點？我好開心！住咗喺新屋我先發現，原來內心可以咁平靜，原來一早起身可以唔覺得炆憎，原來以前舊屋嘅噪音問題可以影響我情緒影響得咁緊要🥲

但仲未搬完㗎 🫣 仲有個鞋櫃未到，等佢到咗之後，我就可以清晒啲紙箱啦。

下個旅程去邊？未知住呀，等個鞋櫃嚟咗先啦！🫣

（如果間屋係屬於我嘅，你話幾好呢？）

我返去剪片啦