Dimension D.

不經不覺本台終於突破咗100,000訂閱大關，這條路一路走來真的不易，唔知點樣由頭講起，其實要唔要開一集講吓我開呢條Channel嘅心路歷程？😆😆

其實最早有開Channel嘅諗法要數到去2016年，不過嗰時有兩個選擇俾我，當時最終我冇行到YouTube呢條路。

最後機緣巧合之下，2019年開始出片，當時已經鎖準咗我最擅長嘅神秘學題材，但係一開始做神秘學嘅時候基本上係冇咩人睇，所以先至會有遊戲片同埋電影片，因為我知道一定要做其他片先儲咗人氣之後先至可以做我想做嘅嘢，由2019年開始所做嘅直播，遊戲，電影解說，都係為咗先儲人氣到日後做神秘學嘅時候可以多啲人睇。

一直等到2023年，重新再出神秘學片，估唔到短短半年之間訂閱數差唔多增加咗五倍，本來我以為要做多五年先至可以突破100,000訂閱，多謝大家支持，即使我條Channel出片非常慢，但每條片你哋都有嚟睇同埋有嚟留言，其實你哋每一個留言我都有睇，100,000訂閱呢個數證明咗喺YouTube上面唔使靠流量，唔使為咗出片密度而放棄質素，只要有質素嘅嘢一樣會有人支持，我用作品說話就可以證明呢點！

嚟緊我仍然會繼續出神秘學片，不過我出片依然會係咁慢，我要做到合乎自己質素嘅片先至會出，希望大家繼續耐心等待，多謝支持，感激！🥺🥺🥺

11 months ago | [YT] | 2,583