HKU Story
【港大傳說｜HKU Story】
港大傳說係我有一日忽發奇想，想將港大一直流傳嘅鬼故同埋傳說紀錄而構思出嚟嘅。本身鬼故已經唔係特別多人鍾意聽，而OCamp夜晚又唔會喺Campus過夜，所以都唔係特別多人會去了解同埋記住呢啲故事。再加上呢幾年疫情關係，大家都好少返Campus，我就怕呢啲故事會失傳，於是就想整一堆短片，同大家分享返HKU嘅鬼故同埋傳說。
呢個計畫已經醞釀咗一段時間，但係一直都未有時間同埋動力的起心肝拍，所以就拖到畢業後先嚟拍。嚟緊呢度將會有一系列嘅短片，簡單講返HKU嘅鬼故同埋傳說比大家聽，等大家下個學期返Campus，都會印象深刻啲嘛。呢一個Channel目的純粹係為咗做一個紀錄，唔希望呢啲故事會有失傳嘅一日。如果你有咩故事想我紀錄，都歡迎你留言話我知！紀錄傳說需要我地每一個人！
